Kiçin
Elvin Məmmədov – Təsisçi

"Kiçin" Bakıda gənclərə içki mədəniyyətini düzgün formada təqdim etməyə çalışan, üstəlik, musiqi və digər incəsənət qollarına dəstək olan kokteyl bar layihəsidir. Biz də barın təsisçisi Elvin Məmmədovla onun sahibkarlıq yolundan, ölkəmizdə bu mədəniyyətin formalaşmasından və gələcək planlarından danışdıq.

Adım Elvindir, 31 yaşım var. Hollandiyada Avropa Bartender Məktəbini 90/100 ortalama ilə bitirdikdən sonra Bakıya qayıtdım və “Kiçin” layihəsinə start verdim. Bəli, bu bir layihədir və bunlar hələ layihənin işıq üzü görən kiçik bir hissəsidir.

Biz istəyirik ki, gənclər içki mədəniyyətini düzgün formada öyrənsinlər. Təbii ki, bunun zərərli vasitə olduğunu bilirik, amma tarixə baxsaq, hətta 7-8-ci əsrlərdə əldə olunan alkoqol belə tibb sahəsində istifadə olunurdu. Biz alkoqolu təbliğ etmirik, amma asılılıq insandan asılı olan bir şeydir və gənclərə düzgün formada təqdim olunmalıdır. Bir yerdən sonra çox içki içən insana “stop” deyilməlidir, amma bizim sahibkarlar bunu demir… Təki işləri yolunda getsin.

Başqa sözlə desəm, bu mənim birbaşa istəyim deyildi, sadəcə şərait buna səbəb oldu. Artıq görürdüm ki, bu ölkənin gənclərinin istəklərini mövcud sahibkarlar anlamır; ya düzgün insanlarla işləmirdilər, ya da planları fərqli idi. Sahibkar olaraq mənim niyyətim bu mədəniyyəti bura düzgün formada gətirmək və sistemi dəyişməkdir.

Hollandiyadan qayıdandan sonra həmin kursu öz əhatəmizdə olan dostlarımıza ana dilimizdə öyrətməyə başladıq. Həmin şəxslər də hazırda bu sahədə özlərini savadlı kadr kimi sübut ediblər və çoxlu uğurlar qazanıblar.

Yəni mən əvvəlcə tədris üçün bir yer axtarırdım, amma məkan ağlımdakı layihəyə uyğun olduğundan buranı öz biznesimizə çevirdik. Bir sözlə, “Kiçin” ilə dünya təcrübəsini “secret bar*” formatında bura daşımaq istədik. “Kiçin”ın adı isə elə yerləşdiyi məkandan — mətbəx dizaynından qaynaqlanır.

*secret bar — bilərəkdən gizli saxlanılan, yalnız dəvət və ya rezervasiya ilə giriş edilə bilən bar konsepsiyasıdır. Adətən işarəsiz qapı arxasında və ya məkanlarda yerləşir.

Səmimiyik. Biz çalışırıq ki, təqdim etdiyimiz məhsulu etik çərçivələr daxilində edək və qonağımızın nə istədiyini bilək.

Biz rezervasiya qəbul edərkən qonaqlardan yaşlarını, hansı içkini və ya dadı bəyəndiklərini soruşuruq. Üstəlik, məkanımızın davranış qaydalarını, gender balansı haqqında detalları qeyd edirik. Beləcə, “Kiçin” mədəniyyətini qorumağa və qonaqlarımıza düzgün xidmət etməyə çalışırıq.

Bəli, bir biznes modeli kimi çox çətindir. Biz spontan qonaqlar qəbul etmirik və bu həm öz gizliliyimizi qorumaq, həm də insanların bura gəlməyini təmin etməkdə risk yaradır.

Amma biz də istəmirik ki, ən bahalı məhsul bizdə olsun və ya ən çox qazanan biz olaq. Əvvəl də qeyd etdiyim kimi, “Kiçin”ın məqsədi dünya təcrübəsini bura gətirmək, qonaqlara rahatlıq vermək və düzgün, ləzzətli xidmət etməkdir.

Birincisi, bizim barmenlərlə qonaqlar arasında məsafə yoxdur. Normalda ofisiant gəlir, qonaqlardan sifarişi alır, barmenə ötürür və s. Biz isə bunu aradan qaldırmışıq. Qonaq gəlir, barmenlə danışır, ona istəyini bildirir.

İkincisi odur ki, biz suyu ödənişsiz təqdim edirik. Alkoqollu içki təqdim edirik və bilirik ki, yanında su verilməlidir. Əksər yerlər bunu ödənişli formada edir, biz isə bunun etik olduğunu düşünmürük. Ümid edirəm, gələcəkdə bütün barlar bunu tətbiq etsə, daha yaxşı olar.

Üçüncüsü, biz bu işi sevgi ilə edirik.

Mən xaricdən qayıdandan sonra irad bildirməyə başladılar ki, niyə qayıtdın, niyə orada qalmadın… Yaxşı, mən orada qaldım, sən orada qaldın, istedadlı insanlar orada qaldı. Bəs burada bu mədəniyyəti kim formalaşdıracaq?

Odur ki burada da insanlara öz ana dilimizdə bu informasiyanı çatdırmaq lazımdır. Düşünürəm ki, biz də bu öhdəliyin bir parçası olmalıyıq. Buna görə də çalışırıq, biz də öz ölkəmizə və insanlarımıza faydalı olaq.

Əgər bizim qonağımız ona göstərilən xidmətdən, içdiyi kokteyldən məmnundursa və onu bəyənirsə, bu artıq mənim üçün idealdır.

Təbii ki, hər bir işdə olduğu kimi, bunun da öz çətinlikləri oldu. Birdən-birə mətbəx tapıb oranı “Kiçin”a çevirə bilməzdim. Yeri gələndə vergilərlə məşğul oldum, sənədlər yığdım, mühasiblərlə danışdım… Bir barmenin üzərinə düşən öhdəliklər olmadığı üçün bunlar çətin idi, bəli.

Belə deyə bilərəm ki, bir barmen olaraq sahibkarlıq mənə əldə olan vasitələrdən düzgün və maksimum dərəcədə yararlanmağı öyrətdi.

Əvvəlcədən hamımız vəzifə öhdəliklərimizlə tanış oluruq və hər kəs öz üzərinə düşəni bilir. “Sərt müdir” obrazına bürünməyi də sevmirəm; elə anlar olur ki, özüm kokteyl hazırlayıram, qabları yuyuram, masaları təmizləyirəm və s.

İlk növbədə “Kiçin”ı gələcəkdə dadlı kokteyllər gözləyir. Bura gələn qonaqlar artıq xaricdə hər hansı bara getdiyi zaman menyudakı içkilərin bir çoxunu tanıyacaq.

Gələcəkdə daha böyük rəqəmlər bizi də xoşbəxt edər, amma biz bu işi rəqəmlər üçün yox, mədəniyyət və informasiya üçün görürük.

“World’s 50 Best Bars (Dünyanın ən yaxşı 50 barı)” siyahısı var, istəyərəm ki, bizim barımız da o siyahıya girsin. Birinci olmasaq da, ölkəmiz o siyahıda olsun, istəyirik.

Avropa Bartender Məktəbinin yerləşdiyi 18-ci şəhər Bakı olsun, istəyirik və bunun üçün addımlar atmağa da başlamışıq.

Düzgünlük, şəffaflıq və işə etik yanaşmaq, yəni hamının haqqını düzgün şəkildə təmin etmək.