16.06.2025
“ASAN İmza” nədir və necə əldə etmək olar?
Bilirsən də, artıq zəmanə dəyişib, hər şey rəqəmsallaşıb. Şirkət qurmaq, vergi bəyannamələrini təqdim etmək və ya sözləşmə imzalamaq üçün sənədlərin arasında itməyə, uzun növbələr gözləməyə gərək qalmayıb, çünki bütün xidmətləri bir yerdən — mobil telefon üzərindən etmək mümkündür. Təbii ki, "ASAN İmza" ilə!
"ASAN İmza" nədir?
"ASAN İmza"nı vətəndaşın əl imzası ilə bərabər hüquqa malik xidmət də adlandırmaq olar. Vergi ödənişləri, şirkət qurulması, bank prosesləri, "ASAN Xidmət" portalları və gömrük kimi xidmətlərdə "ASAN İmza" əlçatandır.
Bəs "ASAN İmza"nı necə almaq olar?
- İlk olaraq mobil operatorlardan birini ("Bakcell", "Azercell" və ya "Nar") seçib "ASAN İmza" dəstəkləyən sim-kart almalısan.
- Sim-kartını aldıqdan sonra sənə ən yaxın "ASAN Xidmət" mərkəzinə getməlisən. Şəxsiyyət vəsiqəni, yeni sim-kartını və sim-kartın pin-kodlarını götürməyi isə unutma.
- Sonda rəsmi prosedurları tamamlayacaq və "ASAN İmza"nı aktivləşdirə biləcəksən.
Nəticə
Hər şeyin rəqəmsallaşması ilə birlikdə "ASAN İmza" da artıq bir ehtiyaca çevrilib. Qeyd etdiyimiz kimi, dilədiyin yerdən bütün işlərini rahatlıqla idarə edə bilərsən.
